Bodor Tarucing Urang Sunda

Antara Palabuhan Ratu - Ciwidey

2011-11-10T20:18:00.001-08:00

Basa panon poe ngampih
ngahiliwir angin leutik
mepende urang duaan
nu keur anteng sosonoan

Leungit sore datang peuting
Asa endah - endah teuing
sosonoan beki anteng
teu era diintip bulan

langit palabuan ratu
saksi jangji nu saestu
langit palabuan ratu
jangji satia satuhu

moal pada ingkah
moal pada ngejat
moal rek sulaya kana jangji

saksina
ombakna ombakna palabuan ratu
lautna - laut palabuan ratu
anginna - angin palabuan ratu
langitna langit palabuan ratu

Palabuan ratu saksi jangji nu saestu
Palabuan ratu jangji satia satuhu

Ref
ibun Ciwidey ciwalini
saksi jangji nu saestu
ibun Ciwidey ciwalini
jangji satia satuhu

saksina
ibunna ibun Ciwidey ciwalini
reumisna - reumis Ciwidey ciwalini
anginna - angin Ciwidey ciwalini
langitna langit Ciwidey ciwalini

Password Anti Hacker

2011-07-06T09:52:00.000-07:00

Masih haneut dina danget ayena seueur pisan maling kumalayang di alam maya. Eta maling teh biasana ngabobol pasword akun - akun nu disawang bakal nguntungkeun pikeun maranehna.samisal akun rekenuing bank atawa akun web nu mibanda dokumen rahasia. Ari maling di dunia maya disebut hacker, asal tina basa hakan. Jadi hartosna hacker teh jalma tukang ngahakan nu lain hakna. Kumarga sakitu pepeling ka baraya dina urusan pasword kedah pelik ulah nu babari ditebak ku tukang barang hakan tea (hacker). Emut papatah para pakar rehna nyieun pasword ulah kurang ti 8 karakter tur kombinasiken nu 8 karekter eta teh tina mangrupa huruf, angka, karakter, kapital. contona:
Amit-@mit.J4bang bay1
k@_s4br4n6_KA_Palemban6
5ima#@ing$ima*Maung
K@r3kB4l!kTiB4nt3n
41n6_m!T0ha_514
U.h4ck3d.m3.I_b3K0q_u

Tong 1000 ligir

2011-06-07T08:24:00.000-07:00

Ceuk Nyi 4 ka Bu 5h randa 3rut: "Tong 1000 ligir samemeh 1000 dak." "Kop 1000 ligir oge ari geus 1000 dak mah.Poma ulah pisan 1000 ligir hareupeun K4M3R4 bisi diaplod ka you tube....

3 Kabingah Nalika Nikah

2011-04-27T17:28:00.000-07:00

1. Ni = Ni'mat ihh...
2. Ka = Kacepet
3. H = Haneut

Nini Mabuk Token

2011-03-31T08:50:00.000-07:00

Wanci janari ci remis mimiti sila di pipir dina dangdaunan di sabudeureun imah. manco ngabageakeun para malaikat. Karasa tiis nyecep kana tulang ngeukeupan nu rek hudang."Alhamdulillah...astaghfirulloh" kocap si nini sawatara nurunkeun dampal suku kana ubin.Jetrek mencet saklar ngahurungkeun listrik tengah imah. Bray caang jalan ka kamar cai. Ngeteyep lempang ngadekeutan panto cai.

Loba karumasaan hirup teh. Ku Alloh tos dipaparinan umur panjang. Cacak-cacak hirup sakieu ayana tapi alhamdulilah pinuh ku kasugemaan. Barudak geus rumah tangga. incu ngajajar nambahan turunan. Pinuh karumasaan hirup teh. Alloh parantos maparinan sagala kanikmatan. mun diitung dibentang ti masyrik ka maghrib moal katuliskeun. moal katuliskeun najan mangsi pulpen ditambah sagalon salautan. Gulusur si nini ngamparkeun sajadah, masrahkeun jiwa raga ka hadirat ilahi robbi. sumujud ka Yang Agung.

Sabada aweh salam ramona nyekel pageh gulungan tasbe. "Astaghfirulloh....astaghfirullohal 'adhim" jerit bathin si nini ngaistighfaran dirina. Dirina nu salila kumelendang di alam dunnya rasa rumasa loba dosa. "Rumaos Ya Alloh seueur lengkah sin kuring anu salah"... pami sanes rohmat Anjeun tangtu kuring geus pangheulana kaazab siksa. Cacak-cacak ibadah kuring sakieu mampuna Anjeun tetep teu petot-petot ngarungkupan ku kadeudeuh.

Lila pisan si nini aniprek dina sajadah. nyawang waktu nu geus kasorang.... narawang saat nu bakal datang. "Aki... ku nini didoakeun... sing bagja di alam barzah...sing aya dina kamulyaan"
Basa aki can ngantunkeun mulang ka asal, mung wanci janari pangeusi imah panggung saung butut aki nini paheuyeuk-heuyeuk munajat ka Rob nu murbeng alam.

Saterasna si nini ngaderes Al-Qur'an. Najan lampu neon caang tapi aya masalah dina soca. Tempel ku kacapanon duka min sabaraha. Saayat dua ayat sasurat dua surat sanepina dugi adan subuh. Keur khusyu tadarus reup pareum lampu neon, jero imah jadi poek mongkleng. "Innalillahi wa inna ilaihi rojiun....."
(Cag heula carita Si Nini Mabuk Token (part 1) insa Alloh dilajengkeun di sanes waktos.... tos

Nurdin Halid jeung Gaddafi teh adi lanceuk?

2011-02-27T09:50:00.000-08:00

= Ceuk saha eta teh.... gampang omong wae maenya Nurdin Halid jeung Gaddafi (ceuk uing mah Muamar Kadafi) teh adi lanceuk?
+ Teu percaya kitu?
= Heunteu percayaa saeutik ge
+ Ilikan ku ilaing loba pisan nu saruana antara Nurdin Halid jeung Gaddafi..
= Cik naon wae sebutkeun... sakitu beda jauh...
+ Panonna dua... sarua teu.. ceulina dua.... irungna hiji...sarua teu...pek akurkeun.
= Heueuh nya.... terus naon deui nu sarua
+ Duanana ge pakeukeuh-keukeuh embung turun...tina korsina. Sarua nya? Nurdin Halid keukeuh embung turun tina korsi PSSI, Muamar Gaddafi (eh...Kadafi) keukeuh sureukeuh embung turun tina korsi presiden..
= Heueueueuh sarua..... tapi lain dulur pan?
+ Dulur dina embungna..

Ngagoler Sisi Jalan

2011-02-01T16:18:00.000-08:00

Bi Ipah jeung Mang Somad teu papirak ngan ukur pisah sare wungkul. Bi Ipah di Bandung - Indonesia Mang Somad di Cairo Mesir. Unggal poe silih henponan. Mun teu Bi Ipah nya Mang Somad ti Mesir nu ngahenpon teh. Sakali mangsa Mang somad nghenpon di Cairo Mesir:
+ Mah damangggg?
- Al hamdulilah Kang...!
+ Nuju Naon mah ...?
- Biasa we ieu nuju ngagoler ... istirahat.
+ Maenya ngagoler sisi jalan .... kawas nu gelo!!!! (Meureun kadenge ku mang somad sora klakson & sora knalpot mobil motor)

B6TW4ZJDBWWP

Ciri Caroge Soleh (CCS)

2011-01-07T09:02:00.000-08:00

Caroge Soleh dambaan sadaya istri. Istri baragajul ge miharep ngengengkeun caroge soleh. Nu kumaha tuh ari caroge nu soleh teh? Naha nu tara gapleh tara remi? atawa rajin ngaronda rajin ibak? Ah... duka teh teuing palebah dinya na mah... mung ieu mah sakadar ciri fisik caroge soleh teh nya eta nu kumisan, kantenan baplang mah kumisna soleh pisan. Na kumaha kitu caroge nu kumisan disebat caroge soleh?
Sabab nu kumisan mah moal bisa ngawadul.... dipaksa kudu jujur. Kieu dongengna:
+ "Bi...sabarahaeun?
= " Ngaleueut naon wae?"
+ " Bala-bala 2, goreng tempe 1, udud weh 2 batang"
=" Atos mung sakitu?"
+ " Muhun atos sakitu"
= " Leres yeuh teu aya nu kalangkung?"
+ " Enya ngan sakitu kuring jajan "
= " Ari eta awug dina kumis...???"
+ " Eh.... enyanya tadi kuring nyokot awug 3 "

Cara GampanG Ngala Mank

2010-12-20T15:26:00.000-08:00

Sasakala cara gampang ngala manuk:

Baheula, cenah mah aya hiji jajaka moro manuk make bedil angin mapay-mapay pasir di pilemburan. ngan geus maju ka burit can meunang hiji-hiji acan da teu kungsi panggih jeung manukna oge. Antukna manehna turun ti pasir rek balik ka imahna. Satepina ka lebak, manggih hiji warung anu dagangna teh wanoja anu masih parawan.
Lantaran cape si jajaka ngadon reureuh di warung bari ngopi.Tuluy ditanya kunu tunggu warung :
Wanoja : " mulih moro kang ? ning siga nu teu kekengingan ?"
Jajaka : " Puguh muhun neng, mani teu aya manuk hiji-hiji acan !"
Wanoja : "Atuda lepat, moro manuk mah teu kedah ku bedil "
Jajaka : "Baruk ? ari kitu nganggo naon ?"
Wanoja : "Cekap ku silet we, hayu ku abdi dituduhkeun carana "
Sabot guntreng kitu, teu kanyahoan ku nu duaan, aya nini-nini milu ngadengekeun.
Pondok carita, si mojang jeung jajaka miang ka pasir rek ngala manuk, ari nini-nini tea nuturkeun ti beh tukang bari rerencepan.
Satepina ka luhur pasir, si mojang gog nagog di sisi gawir bari tuurna rada dianggangkeun(sabada ngudar CD na), teu lila angin ngagelebug ti landeuh, liwat kana sela-sela suku nyi mojang, kadenge sora anu "ngahuit" mani tarik (pas lebah ..... "dinya"). Siga asa digeroan, burudul manuk daratang ka lebah nyi mojang. Geus kitu mah kari newakan, tuluy dipeuncitan make silet tea.
Nyaksian kitu, si jajaka ngagerentes :"Heueuh nya !, ngan nu uing mah asana moal bisaeun 'ngahuit' model kitu da beda bentuk".
Sabot kitu, nini-nini nu milu nyaksian oge ngagerentes na hatena : "Lah ari kitu mah uing oge bisa " cenah.
Sanggeus nyi mojang jeung jajaka tea baralik, tuluy si nini nurutan prak-prakkanana nyi mojang tea. Ngan barang angin datang ngagelebug, sora nu kaluar teh lain 'ngahuit', tapi ......... 'ngageber'.... atuh puguh nu datangna oge lain manuk, tapi .......... maung.
Tah ti harita cenah, aya weh PARIBASA : Kari-kari nini-nini leungit sapeuting, isuk-isuk tai maung huisan.

BR: ti fb BTS ti saderek Dedi Siswandi. BR: Bodor Riwayat...sakumaha HR: Hadits Riwayat...

Bupati Kades Jeung Ulis

2010-11-18T09:15:00.000-08:00

Bupati : "Sabaraha jumlah penduduk desa taun ayeuna?"
Kades: (Rampang-reumpeung .... teu apal... nanyakeun ka ulis nu aya digigireunnana)
"Lis ... sabaraha jumlah penduduk?"
Ulis : 8.888 jiwa
Kades: 8.888 Pa (madep ka Bupati)
Bupati : "Sabaraha target PBB?"
Kades: Lis... sabaraha target PBB
Ulis : 64.905.080,-
Kades: 64.905.080,- jawab Kades ka Bupati.
Buapti : Kades sabaraha pamajikan anjeun?
Kades : Lis...sabaraha pamajikan kuring..?
Ulis : Tilu pa...
Kades : Hatur uninga Tilu... pa Bupati.

Ulis singketna tina Juru Tulis, jaman ayeuna mah istilahna teh Sekretaris Desa disingkat Sekdes, bedana ulis jeng sekdes: ulis mah sadayana swasta teu aya nu janten Ulis PNS beda jeung sekdes ayeuna aya Sekdes PNS aya oge Sekdes Non PNS.

3 Golongan Jalma Nu Wenang Nyandung

2010-10-10T04:59:00.000-07:00

Ceuk Kang Wawan: Aya 3 golongan jalma nu wenang nyandung:
1. Konglomerat, cukup hartana
2. Ajengan, cukup elmuna...
3. ..............,.......................

Sundana SMP ???

2010-09-04T13:11:00.000-07:00

Baraya ..... bingung oge geuning nyundakeun SMP . Uyup ayap milarian kamus sunda nu aya di rorompok (tos belel koneng teu aya jilidan) warisan ti pun Bapa. Teu menak.... Nyobian donlod kamus sunda ... teu aya pisan hasilna. Sakinten tina Kamus Sunda Onlen (Loka Tarjamah) mah aya hasilna:

Ketikeun Sekolah Menengah Pertama (SMP) klik kintun; antos sakedap, hasilna:
Sakola Tengahan Kahiji (SMP)... nu dina kurung na mah anger we SMP heunteu STK.
Ketikeun deui Sekolah Lanjutan Tingkat Pertama (SLTP), kintun deui, berebet hasilna:
Sakola Terusan Tingkat Kahiji (SLTP).
SMP =
S = Sakola
M = Katengah
P = Mimiti

SMP =
S = Siswa
M = Mimiti
P = Pepeleyean

SMP =
S = Si eta
M = Mimiti
P = Penelang-peneleng

SMP =
S = ........

M = Meletet
P = ..........

Lebaran

2010-08-31T10:34:00.000-07:00

Si Bungsu: Pa .... pami abdi tamat puasa pang meserkeun sapeda.
Bapana: Insya Alloh pami ayi rizkina.
Si Cikal : Pa .... pami abdi tamat puasa pang meserkeun kerudung.
Bapana: Insya Alloh..... (mimiti sirah jangar)
Indungna: Pa .... pami abdi tamat puasa pang meserkeun gamis...
Bapana: .......................... (bari tungkul ngaheruk ngagerentes na hate: na saha nu ngawajibkeun puasa??? Na make menta hadiah ka uing......keur zakat fitrah ge nepi ka kiwari can aya)

4 angka = 100

2010-08-22T13:19:00.000-07:00

Tarucing seurieus....
Mangga pilari 4 angka nu sami pami dijumlahkeun = 100.
........................................................................................
Hadiah pulsa kango nu leres....(pulsa asli tiasa diango nelepon, sms, miskol ka Saudi ka Brunei ka ......)

Bedana Syetan

2010-08-16T11:07:00.000-07:00

Tarucing
Naon bedana syetan di bulan Romadon jeunng syetan di bulan luar romadon?
...................................................................................................
GMAEYTZP8X3F

Marhaban Ya Ramadhan

2010-08-11T16:21:00.000-07:00

Mapag dinten nu sampurna, mapag fitri nu suci, bilih aya tutur saur nu teu kaukur, reka basa nu pasalia, laku lampah nu teu merenah dugi karaheutan manah, wening galih nu dipamrih, jembar manah nu diseja, minang saraya ka sadaya, urang palidkeun kapeurih ka laut asih, urang tobat kalepat ku tirtaning rahmat, seja mundut dihapunten samudaya kalepatan lahir tumekaning batin.

Niti wanci nu mustari ninggang mangsa nu sampurna, dina raraga mayunan ramadan nu mulya ieu sim kuring neda tawakuf bisi aya saur nu teu kaukur basa teu kareka polah teu merenah, mugi agung cukup lumur neda jembar pangampura
...............................................................................

3 Kanikmatan di Dunya

2010-08-09T07:45:00.000-07:00

Jamaah ngayakan caramah mapag Ramadan. Ajengan na podium cumarios, kieu unggelna:
Aya tilu kanikmatan di dunya teh, nyaeta:
Kahiji: Tuang Daging:
Tuang daging hayam, daging domba, daging embe, daging sapi, daging munding, daging hayam kampung, hayam negeri, hayam jalu, hayam bikang, hayam pelung, hayam kilo, hayam endogan, hayam ti pasar, jst.
Kadua: Tumpak Daging
Tupak daging kuda, tumpak daging munding, tumpak daging gajah, tumpak daging gajah lampung, gajah bareuh, gajah anahkna (kuateun anak na ge ditumpakan gajah mah)
Katilu: Ngasupkeun Daging kana jero daging
.....................................................................

Ieu Mah Sanes Judul Posting

2010-07-26T08:55:00.000-07:00

Teu karaos tos sasasih langkung sim kuring teu ngelol, teu ngablogg. Alesanana mah seueur pisan (ehmm):

Pareum Listrik Na ..... asa sering pareum listrik teh, sadinten aya dua tilu kalina (23 X). Duka ti kawit ayeuna mah rupina lancar ngagebur listrik PLN teh sapertos di Australi (Lembur Kang Iwan), sareng deui aya jaminan ti Presiden SBY "Indonesia dijamin bebas pemadaman bergilir". "Digentos ku Program Penyalaan Bergilir" saur Kang Dadang tea mah.
Listrik PLN hurung, eh...komputer ngadat....
Listrik PLN hurung komputer normal eh.... modem ngeteyep ngarayap jiga entog...
Listrik PLN hurung komputer normal modem nyerepet eh..... si bungsu ngadat ceurik kokosodan ningal bapana ngablog wae.... (ukeun jajan hoyong dipangku)
Listrik PLN hurung, komputer normal, modem nyerepet, si bungsu anteng, eh..... pamajikan ......
....... mangga teraskeun aleusan nu sanesna mah da seuseur pisan.

Kahoyong mah ngablog teh tiap 2 jam sakali ngeusi posting, ngadekul sapopoe hareupeun komputer..... ngan mitoha mana teuing nyereng: "Na... ari tina komputer morojol duit..????"

PLN = Pareum Listrik N.......

2010-06-25T07:07:00.000-07:00

PLN =
P = Pareum
L = Listrik
N = Nya .... hurungkeun deui we

       PLN =
       P = Pareum (deui)
       L = Listrik
       N =Nya angger mayar ( mun telat didenda, mun teu mayar diteukteuk)

PLN =
P = Pareum (keneh)
L = Listrik
N =Neangan korek

      PLN =
      P = Pareum (terus)
      L = Listrik
      N =Nonggeng

Masih ngenaan PLN mangga klik we >>>>>

U Wungkul

2010-06-17T10:36:00.000-07:00

Huntu kusut nguyup bubur tutut. Mun tuluy nguyup, bujur muruput. Dut....dut....dut... pruput lung. Kurunyung dukun nutup bujur muruput ku dudukuy. ...... Gurudug kuwu nyusul dudukuy.
Dukun: "Dudukuy kuwu?'
Kuwu: " Hu uh"
Dukun: "Tutup hulu kuwu?"
Kuwu: "Huh....!"
Blug..... kuwu nubruk hulu dukun. Hulu kuwu nubruk huntu dukun.
Dukun: "Dulurrrr..... tulung..... dulur!!!!
Kuwu mupu huntu dukun. ...Blus.... kuwu nusuk bujur dukun .... uh tuur dukun. burusut blud dukun ngucur... dukun gugur.... tunduk ku kuwu...

Kantor Jutawan

2010-05-29T07:47:00.000-07:00

Warga nagara Indonesia mah resep pisan ngaringkes-ringkeskeun basa, meh irit kana kertas jeng pulpen mun ditulis, irit biwir irit tikoro irit genggerong mun dikocapkeun....... (duka ngirit ....duka medit...)..... contona...:

Kantor Departemen diringkes jadi KANDEP
Kantor Wilayah ..... diringkes jadi KANWIL
Kantor Cabang ......diringkes jadi KANCAB
Kantor Jutawan ......diringkes jadi ....???????.

Lain Sulap Lain Sihir

2010-05-21T18:41:00.001-07:00

Lain sulap lain sihir

Mun teu dielap bau hanyir

Lain sulap lain bohong

Mun teu dielap lamedong

jiga budak ieu

Lamedong deui da teu disusut

Kirata

2010-05-13T09:56:00.000-07:00

Kirata ringkesna tina kira-kira sugan nyata, umpamana:

Saguling - Cirata - Jatiluhur

maling - rata-rata - nu di laluhur

CIRATA - JATILUHUR - SAGULING

rata rata - nu di laluhur - maling

Jatiluhur - Cirata - Saguling

nu di laluhur - rata rata - maling

Cirata - Saguling - Jatiluhur

.... - .... - ....

Jigana - meureun - sugan

Tujuan Sensus Penduduk 2010

2010-05-05T04:59:00.000-07:00

Warga: Jang ari sensus teh kanggo pemilu? Asa cik keneh didata....
Patugas: Sanes pa .....
Warga: Kanggo BLT?
Patugas: Sanessss ..............
Warga : Ari geus keur naon atuhhh???? (rada nyereng ...tur nyentak)
Patugas : (ngajawab bari reuwas) Kanggo ngagentos lagu Rhoma Irama..... Lagu nu kapungkur " 135 juta penduduk Indonesia....." tos kadaluwarsa. Janten hasil sensus teh diantos pisan ku Kang Haji Rhoma Irama.

Preman Insyaf

2010-04-19T11:09:00.000-07:00

Poe jumaah jalma geus kumpul di masjid. Jarum jam nincak kana angka 12. Hawar-hawar sora adan ti lembur peuntas. Sedengken di masjid ieu can aya nu adan. Ketua DKM luak-lieuk neangan muadzin. Jigana teu datang aya halangan. Jamaah silih toel maksudna nitah adan ka babaturannana. Mugen papada embung. Adzan di lembur pentas ampir beres, di dieu can aya nu adzan.

Jung nangtung si Johan preman kampung, gidig leumpang bari dodongkoan ka hareupeun mimbar, kerewek mik speker dicekel.

Kabeh jamaah kaget campur reuwas oge hariwang si Johan teu bener beh ditu ngaco adzanna. Teu aya nu wani ngahulag, preman kampung tea atuh.

Celengkeung si Johan adzan. Teu sangka alus kacida sorana, tajwid makhrojna eces pisan. Jamaah olohok. "Alus euy sora si Johan teh....teu nyangka uing mah.." ceuk salah saurang jamaah.

Jigana eta pujian teh kadenge ku si Johan, nu keur adzan tea. Atuh si Johan "ngarespon" kana eta pujian bari tetep mix speker mah dicekel keneh.."Aing teaaa.... anjing ...adzan mah bisa ti leuleutik...!"

Pasen Panas Dokter Panas

2010-04-11T13:59:00.000-07:00

Salembur kaserang DB alias demam berdarah (muriang ngageutih). Kacaritakeun Neng Geulis geus dua poe ngarasa awakna panas, buru-buru indit ka dokter.
Dokter   : "Teu damang naon?"
Neng    : "Panasss, Dok..."
Dokter   : " Cobi urang parios" bari nitah Neng ngagoler na tempat pamariosan. Dokter ngasupkeun thermometer na handapeun letah Neng pasen. Teu lila termometer dicabut terus diilikan.."Normal Neng pami panasna sakieu mah.."
Neng    : " Tapi abdi naha ngaraos panas....nya Dok...."
Dokter   : " Cobi urang parios dina kelek.."
Biasa ari termometer mah diasupkeunna teh di nu nyempil
Neng    : " Muhun mangggaa..."
Dokter   : " Sami Neng ... hasilna teh nunjukkeun panas Neng normal..."
Neng    :" Aduh.... kumaha nya dok .... keukeuh abdi mah ngaraos paranas...! Cobi atuh dok pariosna na bujur...." ceuk si Neng mere saran.
Dokter ngagebeg rewas .... kudu nempelkeun termometer na bujur. Asa kakara ngetes panas na bujur mah.
Dokter : "Muhun mangga.... pami kahoyong Neng kitu mah..!"
Sanggeus si Neng pasen nangkubkeun awakna.... teu lila ti harita ..ari gorowok teh...." Dokter.....lepat.... Dokter lepat etamah sanes bujur...!"
Dokter   : " Tenang ...... Neng ,,,,, da ieu oge sanes termometer...!"

SUNDA ISLAMI – ISLAM NYUNDA

2010-04-01T17:32:00.000-07:00

Kumaha atuh tarekah urang pikeun ngagero masarakat Sunda anu geus jauh tina kaislaman jeung kasundaanana? Tarekahna kudu dimimitian heula ku diri sakujur, terus ajak batur sakasur, batur sadapur, batur sasumur, atuh saterusna batur salembur. Tembongkeun jati diri jeung tingkah laku anu teu mengpar tina tetekon kapribadian Sunda jeung tetekon Islam. Bere bacaan sunda anu islami jeung bacaan Islami anu nyunda. Ayakeun gempungan-gempungan atawa acara-acara kasundaan anu dikeliran ku ajaran jeung atikan Islam. Saterasna kahayang sim kuring, lamun wasa mah haying ngusulkeun ka pamarentah sangkan dina kurikulum sakola ti mimiti TK atawa RA nepi ka Perguruan Tinggi aya bidang studi tata krama kawas baheula. Dina taun genep puluhan mah silih asah, silih asih, silih asuh jeung silih wangikeun teh katembong pisan jeung karasa pisan. Urang Sunda teh kawas hiji jasad, anu lamun hiji anggahota ngarasa nyeri, anu lianna oge baris milu ngarasa nyeri, ceuk basa Islamna mah kal jasadil wahid. Ku cara kitu, insya-Alloh masarakat Sunda anu geus ngurangan kasundaan jeung kaislamanana teh baris kacelep atawa kakeliran deui.

TUKANG DAGANG PEUYEUM

2010-03-22T03:34:00.000-07:00

Ieu carita ngebrehkeun tukang peuyeum anu teu bisa jeung teu ngarti Bahasa Indonesia.Dina hiji mangsa si tukang peuyeum dagang di Jakarta.
Tukang peuyeum: "Peuyeum.....peuyeummmm....!"
Kitu jeung kitu ngagorowokna teh sapaparat gang. terus aya nu ngageroan, eta nu ngageroan teh teu apaleun yen tukang peuyeum teh teu bisa Bahasa Indonesia.
Urang Jakarta: "Bang.... sini Bang!"
Si tukang peuyeum nyampeurkeun, lain ngarti kana panggeurona tapi bakating ku panasaran eta urang kota teh ngomong naon.
Orang kota: "Beli tapenya bang satu kilo."
Tukang peuyeum:"Punten a... ieu mah sanes tempe tapi peuyeum."
teu di sangka eta orang kota bisa Basa Sunda.
orang kota: "muhun pan tape teh Bahasa Indonesiana tina peuyeum."
Tukang peuyeum: "Ah..Sanes a peuyeum peuyeum tempe tempe da bahanna ge beda. Tempe mah tina kacang peuyeum mah tina sampeu"
orang kota: "Dasar gila..!"
Tukang peuyeum: "Teu gila da peuyeumna ge ditutupan."
orang kota: "Lain gila tapi gelo dasar oon...!"

Bodor Urang Sunda

2010-03-21T07:49:00.000-07:00

OPEN

Mang Koswara urang kampung sisi gunung kaparengkeun ngalanco ka Amerika. Keur leuleumpangan hareupeun Bank, manehna olohok pedah ningali tulisan OPEN ngajeblag dina lawang panto sangkaanana alat paranti nyieun kueh bolu, ceuk pikirna mana teuing sagede naon kueh boluna mun OPENna sagede gedong. Keur anteng mikiran kueh bolu, ngaringkang aya bule rek asup Bank, gancang ku Mang Koswara dihalangan tur dicarek.
“Mister! Ulah asup ka dinya, bisi tutung!”
Si bule ukur rungah-ringeuh teu ngarti bari terus asup.
Teu sawatara lila ti Bank bijil urang negro. Ari gorowok teh Mang Koswara:
“Nya, silaing mah bedegong! Jadi we tutung. Ceuk aing tutung, tutung!!” pokna mupuas.

PALILA-LILA TEULEUM

Si Otong datang ka indungna bari haruhah-harehoh, awakna rancucut.
“Geus ti mana maneh, Otong? Eta awak mani rancucut kitu?” ceuk indungna reuwaseun.
“Tos ti balong, Ema! Palila-lila teuleum jeung si Otong!”
“Ari Si Otongna di mana ayeuna?”
“Aya keneh di balong…tapi tos ngambang!” tembal Si Otong teu kireum-kireum.
“Kumahaaa??!” indungna langsung ngalenggerek kapiuhan.

NGAJUAL SAPI

Mang Koswara rek ngajual sapi. Tapi unggal sapi rek ditaekkeun kana treuk, eta sapi teh ngadat bae embungeun naek. Geus satengah jam Mang Koswara ugal-ugil bari luut-leet kesang, tapi si sapi teh angger merod. Ambek nyedek tanaga midek, Mang Koswara nyentak, “Dasar sapi goblog! Ari maneh hayang naon sih?” ceuk Mang Koswara bari ngadegungkeun hulu sapi.
Na ari pok teh si sapi nembalan, “Mmmoohhh..!! hayang di hareup! Di tukang mah tiris!!”
Mang Koswara ngabecir!

"A"SAJA

2010-03-19T13:38:00.003-07:00

Syaratna "A" saja jangan ada aksara sajaba A. Prak ah........... baraya sadaya ngakak ngabarakatak macaan lawak..... mangga tamatkan....

Hayang lancar ngalafal tata bahasa "A" sadayana mah gampang.......Ngan aya syaratna.......
Syarat ka Ahad : Banyak-banyak makan bangsa lalab-lalaban, kalapa, ganas, salak ngan jangan sama cangkangna......
Syarat ka Ganda: Jangan makan lalat, laba-laba, cakcak, kadal, bayawak, badak, jarapah dan gajah....
Aya pantanganana: jangan ngajak macan jalan-jalan sabab galak, jangan ngajak macam-macam ka randa tanpa alasan, jangan mawa parawan tanpa kaatraan bapana......
Bala-bala dan Martabak dapat anda makan jang tambahan ngarah lancar kana napas sarta tara ngacay saat ngawacana atawa ngawawancara....
Saya ada saran ngarah atra ngalafal kata-kata "A" sadayana....banyak ngaca, banyak jalan-jalan na kandaraan yang ban na ganda, kandaraan yang ban na ampat, kandaraan panjang, kapal angkasa atawa kapal layar....
Mangga arasaan....
Awas !!! Jangan ngajak baraya, sahabat dan kawan yang cangcaya dan asa-asa...sabab bakal bahaya ngajalananana....

Saya mah lapar. Baham calangap hayang dahar atawa baranghakan. Aya kadaharan? Mana? mana?
Alah gampang kang hayang barang dahar mah daratang saja ka sayah, aya cak cak badag na...papan..candak..am kana baham, bayawak ragrag, kadal jangar, panggang hayam hangat-hangat da kakarak ngangkat, lalab, sambal, tah aya bala-bala ngan dalapan, martabak rasa kacang, kacang na martabak, martabak hangat, kacang hangat, nangka, samangka, nanas ... arasak, salak salapan kakara ngala, kahakanan ala kabarat-baratan dan masakan yang lada-lada ala padang. Mantap.....
Prak dalahar na samak ...!, baraya pada lapar kan? Ngan saacanna maca basmalah malah mandar aya barakah. Mangga...sa aya-aya aja lah...
kalaw anda kadaharan nya apa???? Awas ah jangan ngadahar panggang ajag, kata agama sayah mah haram, ada sabda nya kang, tanyakan sajah sama pakar agama....

Bodor Tarucing Sunda

2010-02-28T02:04:00.000-08:00

Blog ieu kainspirasi ku facebook (fesbuk) BTS (Bodor Tarucing Sunda). Harepan mah aya manpaat kanu maraca ieu blog. Eusi ieu blog tiasa mangrupi carita, dongeng, bodor, tarucing seurieus atawa banyol heureuy, lucu atawa kumaha we......

Tangtos wae aya postingan kengeng copas (copy paste) ti BTS atanapi ti mana wae. Mugi pengurus BTS rido manah pami aya sababaraha nu ku sim kuring dicopas. Punten pisan ka sadaya pupuhu BTS, sanes simkuring bade nyaingan atanapi ngalindih BTS, mung seja ngiringan ngorojong, ngamumule budaya, komunitas urang/basa sunda, oge seja ngaronjatkeun ( eh ngeuyeubkeun) media komunikasi urang sunda.

Sakumaha nu tos kauninga ku sadayana; facebook tos kawentar, baraya tos tiasa ti kawit daftar dugika medar, update status ngintun komentar, ngeusi profil dugi ka ngunggah foto. Kumaha ari blog??? Tangtos aya bentenna. Mangga ka sadaya baraya cobian....

Nyanggakeun ieu blog ........ ka sadaya urang sunda nu ku simkuring dipikadeudeuh.........